نبذه عن تخصص الهندسه الميكانيكيه

[مهندس ميكانيك]

 

 

نبذه عن تخصص الهندسه الميكانيكيه

السلام عليكم
حبيت احطلكم نبذه عن تخصص الهندسه الميكانيكيه اللي للاسف طالعه عليه اشاعات انه اصعب تخصص وماحد يتخرج منه وهالكلام ماله اساس من الصحه

تخصص الهندسه الميكانيكيه تخصص ذكاء وابداع يعتمد على تفكيرك مو حفظك

بتخصص الميكانيك توجد اربع انواع من الدراسه
مواد التصميم
مواد الاهتزازات
مواد السوائل والغازات
مواد الحراره وتطبيقاتها
طبعا علشان تتخرج من القسم لازم تاخذ من كل نوع زهره وعلى حسب ميولك فلهذا اهم وضعوا 4 مواد اختياريه من القسم تختارها


واي سؤال انا حاضر

المصدر: منتديات جامعة الكويت

---

kf`i uk joww hgik]si hgld;hkd;di

[bnt ile9lam]

 

 

مشكوور أخوي واايد عالموضوع القيم وأنا بصراحة عندي جم سؤال عن تخصص الهندسة الميكانيكية وياليت تفيدني بالرد يزاك الله خير
**هل تخصص الميكانيك يبيله خيال نفس الرسم الهندسي ولا شلون يعني هل في مواد جذي غير الرسم الهندسي لأن رفيجتي كلش ما حبت المادة؟؟
**ياليت ولا عليك أمر أخوي تقولي كل مادة بالميجر شيت عن شنو تتكلم يعني مثلا مادة انتقال الحرارة وتكييف الهواء والتبريد والسيستم داينامك وعلم المعادن ونظرية المكائن وأساليب الإنتاج والاهتزازات الميكانيكية والتحكم بالنظم الميكانيكية؟؟
وشلون طبيعة الامتحانات يعني أسئلة مقالية ولا مسائل ولا شلون؟؟
لأن رفيجتي انقبلت ميكانيك وتبي تعرف أجوبة حق هالأسئلة؟؟
أدري طولت عليك أخوي واايد بس إن شاء الله ما تقصر وياي ويعطيك العافية

[مهندس ميكانيك]

 

 

اقتباس : المشاركة الأصلية كتبت بواسطة bnt ile9lam [ مشاهدة المشاركة ]

مشكوور أخوي واايد عالموضوع القيم وأنا بصراحة عندي جم سؤال عن تخصص الهندسة الميكانيكية وياليت تفيدني بالرد يزاك الله خير **هل تخصص الميكانيك يبيله خيال نفس الرسم الهندسي ولا شلون يعني هل في مواد جذي غير الرسم الهندسي لأن رفيجتي كلش ما حبت المادة؟؟

اولا حياج الله اختي .. بالنسبه للتخيل انتي مهندسه شلون ما تتخيلييين؟ بالنسبه للتخيل بالميكانيك اهو تعرفين لو تحركته القطعه الفلانيه بالسستم طبعا هالقطعه متصله بقطعه ثانيه شلون راح تتحرك هالقطعه وبأي اتجاه وصرحتا مادام رفيجتج مااهضمت الرسم الهندسي خلها تبعد عن الميكانيك علشان ترتاح نفسيا

اقتباس : المشاركة الأصلية كتبت بواسطة bnt ile9lam [ مشاهدة المشاركة ]

**ياليت ولا عليك أمر أخوي تقولي كل مادة بالميجر شيت عن شنو تتكلم يعني مثلا مادة انتقال الحرارة وتكييف الهواء والتبريد والسيستم داينامك وعلم المعادن ونظرية المكائن وأساليب الإنتاج والاهتزازات الميكانيكية والتحكم بالنظم الميكانيكية؟؟

اولا الماتيريال يمكن الماده الوحيده بالقسم اللي تتكلم عن الماده والكسر اللي فيها يعني لو عندي هالمعدن حطينه عليه لود معين ونوعه المعدن كذا (فلنفرض انها حديد ونسبته الكربون فيه منخفه ويسمى ستيل) لو حطينا عليها لود معين شلون راح تنكسر واساليب انتاج راح تدرسون على القوالب اللي راح تمرون عليها مرور الكرام بالماتيريال (وانصحج بالخولي اروع من هالدكتور ماشفت بحياتي)
بالنسبه لنظريه مكائن وسستم داينمك تقريبا هذولي جباتر من الداينمك على ما اظن السستم داينمك تتكلم عن جابتر 16 بالديناميك اللي اهو شلون تتحرك القطعه بشكر دائري وتأثير الفورس عليها على ما اذكر والثيري نفس الشي وصراحتا لو شرحتلج المواد ماده ماده ينقعد لي باجر

اقتباس : المشاركة الأصلية كتبت بواسطة bnt ile9lam [ مشاهدة المشاركة ]

**وشلون طبيعة الامتحانات يعني أسئلة مقالية ولا مسائل ولا شلون؟؟

والله شوفي كل دكتور وطريقته ... يعني عندج مثلا الدكتور خالد الفضاله يعتمد على الحفظ لو تشوفين امتحاناته مثل الماتيريال راح تلقين اول سؤال 15 سؤال اكمل الكلمه الناقصه وحاط الكلمات فوق وبعدها 15 سؤال اختياري وبعدها 4 مسائل ومثلا لو عندج الغانم نظام 6-5 مسائل فيها ذكاء بس ولو عندج الخولي يمكن تصفون على سؤالين او ثلاثه واذا الشعبه مأذيته سؤال واحد ويتحدى احد فيكم يحله

اقتباس : المشاركة الأصلية كتبت بواسطة bnt ile9lam [ مشاهدة المشاركة ]

لأن رفيجتي انقبلت ميكانيك وتبي تعرف أجوبة حق هالأسئلة؟؟ أدري طولت عليك أخوي واايد بس إن شاء الله ما تقصر وياي ويعطيك العافية

الله يوفقها وسامحيني على القصور الواحد سهران وصايم ومو قادر يركز فطوفي البدليات

[bnt ile9lam]

 

 

أخوي حدددك مشكوووور وماقصرت أنا خليت رفيجتي تقرا الرد و واااايد استفادت منه

اقتباس :

الله يوفقها وسامحيني على القصور الواحد سهران وصايم ومو قادر يركز فطوفي البدليات

ويوفقك أخوي إن شاء الله وصج صج ماقصرت وتقبل الله صيامك وأعمالك إن شاء الله
وجزاك الله ألف ألف خير

[هشام]

 

 

السلام عليكم يالحبيب الله يعطيك العافيه , أرجو إنك تتحملني شوي

الموضوع : أخوك خريج معهد الكهرباء والماء (دبلوم ) ولله الحمد حصلت

على إجازه دراسيه من الدوام بعد خبرة 9 سنوات بالوزارة حاليا شروط

التعليم العالي الدراسه إما في أمريكا أو بريطانيا ,أنت خبرك اللغه الإنجليزيه

عندنا بالمعهد مايحتاي أقولك المهم تكاليف هالدولتين وايد مكلفه مع العلم

لازم آخذ كورس لغه قبلها وبعدها دراسه سنتين طبعا بعد التوفل أو ال ELS

طبعا فلسنا السؤال وين أقدر آخذ الهندسة حتى لو على شهادة الثانوية

طبعا مستحيل لأن تخصصي بالثانوية تجاري . قصدي بالجامعات الخاصه

بالكويت . أدري دوختك وأسألتي وايد صعبه وشكلك ماراح ترد علي بس

ياليت تفيدني . يزاك الله خير

[al bayan]

 

 

عندي سؤال : حبيت اعرف هل دراسة الهندسة الميكانيكية بالعربي لو بالانجليزي؟

[Eng. Skittles]

 

 

هـلا أختـي ,,

الهندسـة بجميـع تخصصـاتها باللغـة الانجليـزية ^^

بـس تـرى مو صعـب .. يعنـي اشيـاء تتعـودين عليـها عـادي .. مو اللي لازم الطـالب يكـون قـوي بالانجليـزي .. لا بالعكـس : )

[al bayan]

 

 

مشكور خوي على الرد بس اللي سمعته من شخص درس عندكم ان بعض المقررات بالانجليزي وبعضها بالعربي والطالب براحته يختار يدرس بالعربي او بالانجليزي فما مدى مصداقية هالخبر؟
مع خالص شكري وتقديري

[Eng. Skittles]

 

 

مـدى مصـداقيـة هالخبـر

هي 0 % : >

و لا مـادة بالعـربي .. كـله بالانجليـزي ..

وبالانجليـزي وايـد افضـل .. مو لان انا اعـرف انجليـزي ..

لان اذا احـد بـدى بالانجليـزي .. وتصيـر بعـض المـواد بالعربي ما راح تعـرفين تركزيـن عـدل وراح تتلخبـط معلـومات بمعلـومات ..

يعنـي مثـلا لو درسـتي فيزيـاء 1 باللي بالعـلوم بالانجليـزي .. بعديـن خذيتي مواد بالهندسـة بالعربـي وهي اللي ما تصيـر .. جنـج ماخـذة مـادة جـديدة ^^"

مثـلا رفيجتـي حـولت كليـة العلـوم .. وتخصصـت رياضيـات ..
والدكـاترة يشـرحون بعـض موادهم بالعـربي .. مو فاهمـة شـي والله ..

فالدكتـوره تشرحلـها بالمصطلحـات بالانجليـزي .. لان المصطلحـات العربيـة اول مرة تمـر عليـها

وحيـاج الله خيتـوو : )

اي سـؤال ثانـي انا موجـودة : >

[al bayan]

 

 

ثانكس خووووووووي ما قصرت