* لسعة ( ث ل ج .. !

[محمد أبو شملان]

 

 

في وسط قلبي سفينه وفي سما حُبك سدَم ،
__________ تشتهي بحرك وتجري عكس شهوتها . . الرياح !

كن هذا الصبح بـ العتمه بليّاك ، إنردَم . .
__________ يا صباح الخير من غيرك بلا ( خير ) الصباح !

أثر ثلج فراقنا يلسَع وشوقك ، ما خِدَم ،
توّي أفهم :
شنهو تعني [ لسعة الثلج ] . .
لـ ( فلاح ) !

لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !

الزعل : غلطة حبايب قلب من قلب إنصِدَم . .
__________ والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :
__________ ما يحس القلب في جرحك وهو كله جراح !


كان في وجهك بقى لك دمعتين ، وفيه دَم ؟
__________ هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
__________ أو أصد وأكتب عليها : ( أرض مافيها صلاح ) !


يا أعيش بـ وسط قلبك ونبني كل شي إنهِدَم . .
__________ وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم ،
__________ وإنت كيفك دام قلبي ( أرض منزوعة سلاح ) !


أحمد الصانع

[الجـــرح المنسي]

 

 

أثر ثلج فراقنا يلسَع وشوقك ، ما خِدَم ،
توّي أفهم :
شنهو تعني [ لسعة الثلج ] . .

يــاســلااام عليك يابو شملان
ابدعــت بالاختيار,,,احمد شاعر مبدع,,,قصيــيدة رائــعة
تســـلم يمينــك عالنقــل المميـــز
وفـــي انتظــار الجديد
لاهنتـ...

[محمد أبو شملان]

 

 

هلا ومرحبا يا الجرح المنسي
أشكرك على التواصل المستمر ،
وانت تراك اللي تخليني أنزل كل فتره

فـ مشكور ، وصح بدنك ،
وإلى لقاء آخر .

[banoota]

 

 

إعتبر نفسك معزّب . . و المشاعر لك : خَدَم ،
__________ وإنت كيفك دام قلبي ( أرض منزوعة سلاح ) !

صح لسآن الشآعر الكبير ..أحمد الصآنع.. على هالأبيآت الرآئعه
... يعطيك العآفيه أخوي ..
..وتسلم إيدك على النقل الرآئع ...

[محمد أبو شملان]

 

 

المشاركة الأصلية كتبت بواسطة banoota

إعتبر نفسك معزّب . . و المشاعر لك : خَدَم ،

__________ وإنت كيفك دام قلبي ( أرض منزوعة سلاح ) !

صح لسآن الشآعر الكبير ..أحمد الصآنع.. على هالأبيآت الرآئعه
... يعطيك العآفيه أخوي ..
..وتسلم إيدك على النقل الرآئع ...

الله يسلمج يا طويلة العمر ،
وحياج الله