تخصص إنجليزي صعب ولا سهل ؟ ريحوني

[أحـمـد*]

 

 

تخصص إنجليزي صعب ولا سهل ؟ ريحوني

بسم الله الرحمن الرحيم ..


أنا توني أنقبلت بالآداب ..

وأنا أبي تخصص إنجليزي (لغويات) ..

والله ياناس .. أبي أقولكم الحوارات اللي دارت حول تخصص E



××××××××××××××××××××××××××××××

أنــا:شرايك بتخصص إنجليزي ؟
رفيجي:ياحبيبي ششنو تدرس 3 سنين كله إنجليزي .. ويالله يالله نكتب تعبير بالمدرسة تبي بالجامعه ..
أنـا: بس راح أطور نفسي وأدش معاهد والإنجليزي مرغوب وممتع ..؟؟
رفيجي:لا لا تفكر روح دش علوم أجتماعيه أحسن لك !!!!

××××××××××××××××××××××××××××××

أنــا:خلاص قررت أدش أنجليزي ؟
رفيجي:ياحبيبي أنا ودي أنجليزي بس يوم شفت كتاب ولد عمي قلت يبه أنحش .. كبير وكله أنجليزي ..
أنـا:عادي بس راح تباشر أول باول .. وماراح يكون شي صعب

××××××××××××××××××××××××××××××××

يعني شنو رايكم .. وأنا تخوّفت .. من كلامهم ..

وأنا مصّر للإنجليزي ..؟؟؟

أبي الانجليزي مواده سهله ولا لا ..؟؟؟؟


وشششششششششكراً ..

المصدر: منتديات جامعة الكويت

---

joww Yk[gd.d wuf ,gh sig ? vdp,kd sil Yk[gd.n

[MISS-Q8]

 

 

هههههههههههه هذا الي صاار لي ونااطرهـ ردووود طلاب الخبرهـ بالاداب

[جامعيـه كيـوت]

 

 

هههههههههههههههههههههاااااااااااااي ياخوي شلك بالانجليزي
عقوووبه مو انجليزي >>>خخخخخخخخخخ
منو اسلا يجي صوبه>>>>>>معقدني حيييييييييييييييييييييل


خلك بالعلوم الاجتماعيه احسن لك سهل حـــده

انا علوم اجتماعيه والشباب اكثر من البنات بهالكليه
المفروض العكس لان كليه سهله وتخصصاتها اسهل بوااااااااااااااااااااجد

[GrEeN^Eyes]

 

 

لووول
اذا انت حاب الشي لا تسمع حق اي احد واللي يتكلمون عن الانجلش درسو بالتخصص ؟ حابين الانجلش ؟؟ ودهم يدرسونه ؟؟ على اي اساس يقيمون جربو الكليه وماحبوها
احمد ومس
انا تخصصي لغويات انجلش
حده حده حده حلووووووووووووووووووووووووووووووووووو
وممتع واستانس وانا ادرس وكل معلومات يديده واشياء استفدت منها وايد وارد البيت اسولف فيها لاهلي معلومات حلوه والله مو صعب ولا شي واحمد انت ماشاءالله ناجح بالقدرات يعني اللغه عندك زينه ليش تحاتي وترى الكتب اللي يشوفونها مو كلها ندرسها تاخذ منها جم جابتر بس يعني في كتب مثلا 1000 صفحه اللي ندرسه منها ما يتعدى 20 صفحه وعلى فكره هذي مواد الادب اللي كتبها تكون كبيره بس مواد اللغه كتبها اخف
والحلو بتخصصنا ان امتحاناتنا سؤال وله جوابه من اللي درسته يعني يا صح او غلط الدكتور ماراح يقعد يقيم على كيفه
بعكس تخصص الادب اللي كله يكون كتابة مقال وعاد شوفو الدكتور شلون يقيم وعلى اي اساس يقيم مرات تكون كاتب خرابيط يعطيك درجة زينه ومرات تكون شاد حيلك وكاتب كل اللي تعرفه ومقتنع باللي كاتبه واخر شي تنصدم من الدرجه
وهالشي اهوه اللي خلاني ابتعد عن تخصص الادب
بس والله بشكل عام تخصص الانجلش حلو ومرغوب بالتخرج ومستقبله قوي وانا ترى اهلي الكل ينطرني اتخرج لان يبوني اتوظف وياهم ابوي يقولي تعالي عندنا الخطوط الجويه الكويتيه وعمي يقولي تعالي بالديوان الاميري واختي تقولي وزارة الماليه واختي الثانيه تقولي تعالي وزارة الخارجيه واللي يقولي تقدرين تروحين سفارات هذا غير اذا كنت ابي اكمل بعثه في بعثه داخل الكويت وفي بعثه خارجيه والله مجال كبير ومفتوح جدامكم والدراسه مو سهله ولا صعبه يعني اصلا اذا ماكنتو تدرسون اول باول حتى لو كان سهل ماراح تقدمون شي ولا بتييبون درجات كلش
واللي حاب التخصص راح يبدع فيه صدقوني المهم قبل لا تسجلون اي ماده وهالشي ضروري ضروري ضرورييييييييي تسألون عن الدكاتره
واول وتالي استخيرو لان والله اذا التخصص في خير لكم الله راح يسهل اموركم كلها واذا مافيه خير ماراح تكملون فيه
اتمنى اكون فدتكم
واي سؤال انا حاضره

[MISS-Q8]

 

 

والله خليتيني خلاااااص اصمم ادش ادااب انجلش
انزين حبيبتي قولي الدكااترهـ الانسب حق كل الموااااااااااااااااد ا
والله يوفقج ان شاءالله وتتخرجين صج صج مشكوورهـ وما قصرتي

[GrEeN^Eyes]

 

 

حياج الله وياي زميله بالقسم
وامين يارب الله يسمع منج والله مابي الا هالدعوات الطيبه
والله اتمنى افيدج من هالناحيه بس للاسف قانون المنتدى يمنع اني اقيم الدكاتره
على العموم بحاول اذكرلج تسجلين عند منو بدون لا اقيم
رافع الزعبلاوي
عماد دره
مشعل الربيع
كميل شهرستان
عبدالعزيز حافظ
حمد آل بن علي
حنان مظفر
سندس العجيل
هذيله اللي اذكرهم والله واهمه اغلب شي يدرسون مواد التخصص اللي عقب ما تجتازين متطلبات التخصص
على العموم وقت التسجيل سألي بعد بنات الاتحاد وان شاءالله بيفيدونج
واي شي تبينه لا يردج الا الكيبورد

[أحـمـد*]

 

 

الله يعطيج الف عافيه ياارب .. والله مو قادر شلون أشكرج ..

وإن شاء الله نتواصل بموضوعج اللي حطيتيه .. بقسم الانجلش ..

[شهووده]

 

 

هلا والله فيك اخوي احمد ,, ولا والله فيج اختي مس كويت

خلوني اقولكم

تخصص الاداب الانكليزي يبيله مجابل ودراسه ومتابعه اول باول ,,
وانا اللي شفته من طموحكم انكم راح تواصلون وتنجحون بهالمجال ,,
ومستقبله زين وروعه والله الاداب انكليزي ,, انا لو ما انقبلت حقوق كنت حاطتها رغبه ثانيه

والله يوفقكم ويسهل دربكم ان شاءالله
وما عليكم من كلام احد اخواني ,, ثبتوا لهم انكم قدها وقدود

[أحـمـد*]

 

 

الله يعطيج العافية شهوودة ..

بس .. راح أذاكر أول بأول .. وتخصص الغويات على قولت أختي
GrEeN^Eyes .. سهل وحلو وممتع .. ومو نفس تخصص آدب أنجليزي ..
وإن شاء الله راح أدش تحدي مع نفسي .. ويا أنا ولا الإنجليزي ..!!!


ترقبوا المعركة بين ... أحمد×الجامعة .. سوف تبدأ بتاريخ :5/10/2009 ..
المكـــان : كيـفان
المـدة: أربـع سـنوات
الفائز بالمعركة: أحمد إن شاء الله ..


وترقبوني في كلية الآداب كأسم يسطع لأول مرة ..

[هيــــوٍوٍوٍنــه]

 

 

ههههههههههههههه ,, الله يوفقـك خيو !